- Publika iha: 24 Agosto 2011
Durante tama iha tinan foun 2011, Tribunal Rekursu (TR) konsege rejistu ona kazu hamutuk 63 kompostu husi kazu krimi ordinariu iha 55 kazus no kazu sivil iha 8 kazus.
“Kazu hirak ne’e balun halo ona julgamentu e balun seidauk. Iha ne’e ami la halo julgamentu maibe halo deit diskusaun kona-ba kazu sira ne’e entre juis nain 3 deit sei la bolu tan ema seluk,” hateten Ofisial Justisa TR, Jose Manuel Simoes, semana kotuk iha Kaikoli, Dili.
Tuir nia, kazu krimi mak hanesan oho malu, baku malu, violasaun sexual, halo korupsaun no kazu seluk tan ne’ebe halo husi ema.
Tuir dadus ne’ebe iha, kazu ne’ebe pendent iha 2010, hamutuk 66 kazus tanba juiz seidauk deside, iha 2011 iha kazus 55 e total mak iha 121 kazus. “ halo ona putusan husi tribunal iha 43 kazus, falta 78 kazus, ne’e kazu krimi,” nia esplika.
Enkuantu kazu sivil ne’ebe pendente iha 2010 iha kazus 4, kazu ne’e tama iha 2011 iha 8, total 12 kazus “putus 4, falta 8, ne’e kazu krimi,” nia katak.
Nia espera katak kazus hirak ne’e bele resolve hotu iha tinan ne’e nia laran, maibe karik la’e entaun kazu sira ne’e pendent nafatin to’o juis foti desizaun.
Entertantu bainhira jornalista koko konfirma asuntu ne’e ba iha juiza Jacinta maibe lakosege tanba okupadu.