Sexta, Março 01, 2024
Total visitors: 766366

Xefe Unidade Banku Ran iha Hospital Nasionál Guido Valdares (HNGV), Claudio Julião Quintão, iha periodu fulan neen (6) nia laran, familia 3000 mak halo doasaun ran hodi ajuda sustenta pasiente sira nia vida husi moras ne’ebé sira sofre.

Xefe Unidade Banku Ran iha Hospital Nasionál Guido Valdares (HNGV), Claudio Julião Quintão, iha periodu fulan neen (6) nia laran, familia 3000 mak halo doasaun ran.

Nia dehan sira servisu hamutuk ho Cruz Vermellha Timor-Leste (CVTL) halo sosializasaun ba públiku konaba servisu doasaun ran, maibe nafatin numeru voluntariu ki’ik tebes tanba ne’e mak fo implikasaun ba disponibilidade stok ran iha banku.

“Agora dadaun numeru familia mak aas tebes. Husi parte banku sangue ami servisu hamutuk ho Cruz Vermella Timor-Leste halo sosializasaun ba parte barak fahe informasuan koanba atividade doasaun ran, maibe ita sei hetan numeru voluntariu menus,” nia hateten iha servisu fatin Bidau, Dili.

Nia hateten demanda ba servisu transfusaun ran bo’ot tebes kada loron, maibe fornesementu ran ka atividade doasaun ran menus, entau hakarak lakohi familia sira tenke kontribui.

Nia informa stok pakote ran ne’ebé disponivel iha banku mak tipu A hamutuk 27, ne’ebe 20 mai husi familia no hitu (7) husi voluntariu sira, tipu O iha 20 pakote 15 doasaun husi familia pasiente no lima husi voluntariu, tipu ran AB iha deit pakote hitu ne’ebé fo husi familia sira no tipu ran B mos iha deit hitu.

Iha oportunidade ne’e hato’o agradese ba antigun alunus Dom Bosco, iha ambitu selebrasaun loron Dom Bosco nian ho organiza atividade doasaun ran hodi mobiliza antigun alunus sira voluntariumente fo ran turuk ida hodi ajuda ema seluk ne’ebé presiza iha hospital.

Iha parte seluk, Komisaun Organizador Festa Dom Bosco, Viriato Quintas hateten tinan ida ne’e sira organiza atividade asaun karidade liu husi doasaun ran hodi ajuda ema seluk ne’ebé sofre moras presiza hela ran hansan asaun domin ne’ebé sira fo ba maluk sira ne’ebé presiza.

“Ran turuk ida bele salva ema nia moris, entau doasaun ida ne’e ami voluntariamente husi familia salisiano no kolega sira seluk mai fo ran salva mos ema seluk nia vida,” nia hateten.

Nia hateten iha komemorasaun loron mate Dom Bosco nian ba dala-136, iha atividade barak hanesan halo limpeza jeral iha tasi ibun sira, missa eukaristia, doasaun ran no merkadu kalan inklui animasaun sira.