Terça, Maio 21, 2024
Total visitors: 766366

Estudante difisiénsia inklui matan, tilun, fiziku, ko’alia, na’in 54 hala’o estudu iha Departamento de Incluzão Comunitária Social (ICS), Faculdade de Ciências Sociais (FCS), iha Universidade Nasional Timor Lorosa’e (UNTL).

Estudante difisiénsia inklui matan, tilun, fiziku, ko’alia, na’in 54 hala’o estudu iha Departamento de Incluzão Comunitária Social (ICS), Faculdade de Ciências Sociais (FCS), iha Universidade Nasional Timor Lorosa’e (UNTL).

“Departamentu ICS fo oportunidade ba maluk difisiénsia sira maibé la signifika estudante hotu ne’ebé difisiensia ne’e tenke mai hotu iha departamentu ida-ne’e maibé ita akumula ema hotu hanesan estudante difisiensia no estudante la difisiensia atu nune’e bele fó asisténsia ka apoiu ba malu iha prosesu aprendizajen nian,” dehan Diretora ICS, Cecilia Pereira, iha Kampus, Díli, foin lalais.

Nia mós hateten, rekrutamentu ba ICS la os sira mak halo maibe Ministerio Ensinu Superior no Asosiasaun Defisientes Timor-Leste (ADTL) mak kolabora hodi identifika estudante sira.

“Ne’ebé ami iha ne’e simu de’it estudante ne’ebé mak mai,” nia salienta.

Entretantu, Proreitora Asuntu Providoria no Akonsellamentu iha UNTL, Teresa Cabral, hateten ICS la’ós ema kondisaun difisiensia de’it mak eskola iha ne’eba, maibé ema kondisaun la-defisiensia mós bele tama hodi fó oportunidade ba komunidade hotu.

“Departamentu ida-ne’e la’ós ba ema ne’ebé kondisaun difisiénsia, maibé sira kondisaun normal mós bele hola parte iha departamentu ida-ne’e hodi bele dezenvolve no kapasita sira nia-aan no hodi bele kontribui ba dezenvolvimentu nasional Timor-Leste nian,” dehan Proreitora Cabral.