Terça, Maio 21, 2024
Total visitors: 766366

Rede Soru Nain tais nian husu governu kria lei hodi kontrola negosiante China sira ne’ebé mak faan tais, tanba fó impaktu ba kualidade tais nune’e mós folin tais iha merkadu.

Rede Soru Nain tais nian husu governu kria lei hodi kontrola negosiante China sira ne’ebé mak faan tais, tanba fó impaktu ba kualidade tais nune’e mós folin tais iha merkadu.

Prezidente Rede Soru Tais Luciana Guterres dehan, liga ba China sira ne’ebé mak hatama tais husi sira nia nasaun hodi mai faan iha loja ho folin ne’ebé mak baratu ida ne’e fo impaktu ba folin tais merkadu no halakon nia origem.

“Ita hatene kata ita merkadu livre maibé ita husu governu tenke kria lei ida hodi kontrola China sira ne’e mak foti ita nia modelu tais no produs hodi faan ho folin ne’e mak baratu tebes,” nia dehan.

Tanba ne’e, rekomendasaun hodi Rede Soru Nain sira ba iha governu tau matan ba iha tais sira, atu nune’e husi nasaun seluk labele kopia mai hodi hatun kualidade tias Timor.

Entretantu, Ministru Juventude Desportu Arte no Kultura (MJDAK), Nelio Izac Sarmento, dehan governu seidauk iha lei ida hodi kontrolu negosiante Chineza faan tais iha loja, maibé dadaun ne’e iha ona dekretu lei ida kona-ba oinsa mak halo rejistasaun ba ema sira ne’ebé mak halo tais.

“Ezemplu hanesan, modelu ida-ne’e tais Domingas nian ne’e tenke rejistu no karik ema seluk mak foti modelu ida-ne’e tenke selu ba iha Domingas,” nia dehan.

Tanba ne’e nia dehan, Timor iha ona lei direitu de autor katak bainhira ema seluk foti motif husi tais tenke selu ba produtu nia nain.

“Ita-nia Rede Soru Nain sira mak kria ideia kona-ba tais nia kores ne’e kuandu lei ne’e reforsa ona, nia implementasaun tenke seluk ba ema sira ne’ebé kria ideas ba kores tais,” MJDAK Izac informa.

Nia dehan, lei kona-ba kontrolu vendedores Chineza sira faan tais iha loja ne’e seidauk iha maibé kona-ba direitu de autor iha maibé seidauk refosa nia implementasaun no dadaun ne’e governu esforsu hela atu bele implementa ho diak hodi fó sansaun ba ema sira ne’ebé mak foti ema seluk nia motif tais.