Sexta, Março 01, 2024
Total visitors: 766366

Profesór kontratadu sira husi Municipio sanulu resin tolu (13) halo komunikadu imprensa iha jardín prezidente Habibi, Bidau Santana, Dili, foin lais, hodi kestiona Ministeriu Edukasaun (ME) tanba sa hapara kontratu profesór sira nian.

Portavós Agostinho Pinto husu ba Ministra ME atu aprezenta karta notifikasaun ofisiál tuir regras administrasaun funsaun publika nian.

Portavós Agostinho Pinto husu ba Ministra ME atu aprezenta karta notifikasaun ofisiál tuir regras administrasaun funsaun publika nian.

“Ami sei boikota tomak prosesu rekrutamentu ne'ebé loke husi ministériu edukasaun, atu nune’e fó biban ba Ministra Edukasaun atu rezolve uluk problema profesór kontratadu, reklamante no voluntária sira nian, tuir orientasaun primeiru ministru nian,” nia dehan.

Nia salienta tan katak ssaun manifestasaun refere sei kontinua hodi hasoru injustisa to’o hetan solusaun.

Iha fatin hanesan, Sekretario Jeral Asosisaun Manorin Timor-Leste (AMN-TL) husu ba ministra edukasaun atu profesores kontratadu 2023, reklamante no voluntáriu sira ne’ebé hanorin ona tinan 10 resin ona, bele foti ba profesór permanente, bainhira la to’o mak bele loke fali vaga, hodi halo rekrutamentu ba profesore sira foun.

Nia haktuir agora dadaun profesores ne’ebé hetan kontratadu iha tinan 2023 Ministra edukasaun hapara hotu, ida ne’e fo impaktu ba estudante, tanba oras barak mak mamuk, profesór la tama, tanba profesór la iha atu hanorin.

“Ami lakohi bainhira ami hanorin barullu no ami nia vida hetan ameasa husi estudante sira, bainhira sira la iha prosesu aprendizajen, tanba estudante sira ezije ami. Bainhira sira la tama sira halo asaun iha eskola, tanba ne’e ami hakarak hanorin ho situasaun ida ne’ebé hakmatek,” dehan sekretario jerál AMN-TL.

Iha fatin seluk inan Agusta Nunes hanesan hateten, triste tebes tanba Eskola ETV-IT, 28 Novembro Becora, estudante barak tuur de'it iha li'ur la tama aula, la'o tun-sae de'it, dala ruma oras seidauk to’o fila mai uma ona, tanba prosesu aprendizajen la iha. Dala ruma loron ida matéria ida de'it mak tama, matéria tuir mai la tama ona, tanba profesór ida atu hanorin ne’e la iha.

“Ha’u sente laran triste uitoan tanba ha'u-nia oan eskola iha ETV-IT, 28 Novembro Becora ba eskola la oras de'it fila ona tanba profesór la tama. Ita haruka ba eskola atu matenek, maibé sira ba prosesu aprendizajen la iha, tanba profesór sira la tama, tanba ministra edukasaun hapara hotu kontratu profesór kontratadu sira nian, tanba ne’e matéria balun profesór sira, husik estudante la'o ba mai de'it to oras to’o fila ba uma,” nia dehan.