Terça, Maio 21, 2024
Total visitors: 766366

Diretór Servisu Saúde Munisípiu Ermera, Antonio de Deus Fatima hateten iha Munisípiu Ermera, bee no saneamentu iha fasilidade sira ne’e iha hotu, maibé iha postu saúde 2 iha Postu Administrativu Atsabe mak susar atu asesu ba bee mós.

Diretór Servisu Saúde Munisípiu Ermera, Antonio de Deus Fatima hateten iha Munisípiu Ermera, bee no saneamentu iha fasilidade sira ne’e iha hotu, maibé iha postu saúde 2 iha Postu Administrativu Atsabe mak susar atu asesu ba bee mós.

“Postu Saude 2 ne’e ita tau tiha iha foho leten, bee ne’e iha tiha kraik, entaun ita labele asesu, maibé ita buka meiu oioin hodi dada bee moos ne’e sa'e ba iha Postu saúde 2 ne’e,” nia dehan hafoin remata lansamentu KEmoN-B iha Gleno, Ermera.

Nia hatutan, durante ne’e sira buka meiu oioin hodi dada bee mós ne’e ba postu saúde 2 ne’ebé iha foho leten ne’e, maske tempu udan bee iha, maibé bain loron bee menus, entaun durante ne’e sentru saúde 2 ne’e susar tebes atu asesu ba bee moos, tanba ne’e husu ba autoridade lokál sira, atu tau osan hodi halo manutensaun ba sistema bee moos nian.

Reprezentante Bee no Saneamentu, Abreu Ximenes Correia hateten iha nivel nasionál bee moos no saneamentu atinji ona 85%, tanba ne’e sei iha dezigualdade prosesu kobertura, iha zona urbana sira boot tebes kompara ho iha área rurál sira.

“Husi investimentu sira ne’ebé governu halo ona dezde 2011 no 2018 infraestrutura ba bee no saneamentu reprezenta menus husi 0,5%. IX governu mós rekoñese katak la iha investimentu substánsia ida ba setór ida ne’e to’o agora,” nia dehan.

Nia salienta, atu dezenvolvimentu sustentavel kona-ba kobertura universál bee no saneamentu, la'ós de'it ba komunidade sira, maibé ba mós entidade estadu hanesan, edukasaun, sentru saúde sira iha área rurál, no katak tuir dadus husi BTL, EP katak hahú husi 2021 BTL implementa ona servisu bee moos iha jona urbana sira, liuliu iha nivel postu administrativo kobre ona postu 38, enkuantu iha postu balun mak seidauk iha.