Terça, Maio 21, 2024
Total visitors: 766366

Diretór Servisu Saúde Autoridade Munisipio Ermera, Antonio de Dedeus Fatima hateten, iha munisípiu Ermera pesoál saúde la sufisiente, atu halo atendimentu iha sentru saúde no postu saúde sira.

Diretór Servisu Saúde Autoridade Munisipio Ermera, Antonio de Dedeus Fatima hateten, iha munisípiu Ermera pesoál saúde la sufisiente, atu halo atendimentu iha sentru saúde no postu saúde sira.

Nia dehan, iha munisípiu Ermera pesoál saúde mak la to’o hodi koloka ba iha sentru saúde no postu-saúde, tanba ne’e kolokasaun ho totál la hanesan iha postu-saúde ida bele ema ida de’it, no balun bele rua, ne’e la sufisiente hodi fó atendimentu ba komunidade tomak.

“Iha munisípiu Ermera ita iha sentru saúde 7, postu saúde 38, postu tratamentu 2, tanba ne'e ita dezloka pesoál saúde sira, balun iha pesoál saúde na'in 1 de'it, balun iha pesoál saúde na'in 2 de'it, balun iha pesoál saúde na'in 3, ida ne'e la sufisiente. Ita presiza aumenta tan pesoál saúde sira atu nune'e bele dezloka ba fatin sira ne'ebé seidauk to'o,” dehan diretór Antonio.

Nia dehan, foin lalais halo ona rekrutamentu faze primeiru ba pesoál saúde sira na’in 84 pesoas, entaun iha munisípiu Ermera koloka ona pesoál saúde sira-ne'e ba iha sentru saúde sira no fasilidade saúde sira, maibé ida ne'e seidauk sufisiente nafatin, entaun iha rekrutamentu faze segundu no terseiru bele kompleta ona.

Iha parte seluk, Prezidenti Autoridade Munisipio Ermera, José Martinho dos Santos Soares husu Diresaun Saúde Munisipál atu halo identifikasaun ba fatin sira ne'ebé menus hela pesoál saúde, atu nune'e bele haruka pesoál saúde sira ba halo atendimentu iha postu saúde.

“Agora iha ha'u-nia meza iha dokumentu boot ida hein de'it diretór saúde justifika para depois ha'u bele asina sira-nia kontratu ne'e hodi bele kontinua ba servisu iha postu administrativu sira no postu saúde sira iha suku ne’ebé seidauk sufisiente,” nia dehan.