Domingo, Abril 21, 2024
Total visitors: 766366

Autoridade Munisípiu Manufahi no Munisípiu Manututo agradese ba Governo Japaun liu husi Embaxadór Japaun iha Timor-Leste, ne’ebé ajuda ona komunidade sira, liu husi painél solar no fugaun rai rihun ida (1000).

Autoridade Munisípiu Manufahi no Munisípiu Manututo agradese ba Governo Japaun liu husi Embaxadór Japaun iha Timor-Leste, ne’ebé ajuda ona komunidade sira, liu husi painél solar no fugaun rai rihun ida (1000).

Prezidente Autoridade Munisípiu (PAM) Manufahi nia Reprezentante, no atuál Sekretaria Administrasaun Planeamentu Investimentu Dezemvolvimentu Integradu, Filomena da Costa Nunes hateten, hanesan autoridade Munisípiu Manufahi senti kontente tanba, liu husi apoia ne’e bele ona ajuda komunidade ne’ebé durante hela iha nakukun laran.

“Hanesan Autoridade Munisípiu sente kontente tebes, tanba bele ajuda ona ami-nia komunidade iha parte balun, hodi diminui netik nakukun. Ami-nia komunidade durante tempu barak mak seidauk asesu ba eletrisidade, entaun liu husi ajuda ne’e bele ajuda tebes ami-nia komunidade,” nia hatete bainhira partisipa serimonia lansamentu ba painél solar no fugaun rai iha Hotél Novo Turismu, iha Bidau, Díli.

Nia hatutan iha fugaun rai ne’e atu bele mós ajuda komunidade sira, atu diminuiai sunu ai, bainhira simu ona fugaun rai ne’e, tanba problema barak ohin loron komunidade hasoru, hanesan dezastre naturais, taba ai tesi barak, nomós sunu ai hodi tein fó impaktu negative ba sira-nia saúde.

“Ai komesa bandu la bele tesi, entaun ho ida-ne’e sira uza, para sira mós bele minimiza despensa ai nian, entaun ho fugaun ida-ne’e sira bele uza ai uitoan de'it, hanesan uluk ne’e uza ai barak maibé agora hodi de'it fugaun ne’e sira bele uza de'it ai uitoan, hodi nune’e mós bele diminui mós servisu sira atu buka ai iha fatin dook,” nia haktuir.

Nia salienta, liu husi apoiu ne’e atu fó tulun dadauk, ba oin moris komunidade ne’e la'ós de'it ho fugaun no painel solar, maibé agora atu responde de'it ba preokupasaun komunidade nian, hodi hanoin ba tinan naruk, oinsá atu bele dada eletrisidade ba to’o ba sira, maibé ajuda ida ne’e atu responde de'it ba preokupasaun imediata komunidade nian.

“Iha Município Manufahi iha 29 Suco, iha postu 4. Ohin ita rona ona katak sei iha 1000 painél solar ne’ebé sei fahe ba Munisípiu tolu,” nia hatutan.

Iha fatin hanesan, Xefe Gabineti PAM Manatuto, Hendrik Soekendro hanesan reprezentante Autoridade Munisípiu Manatuto fó agradese tebes ba Governu Japaun, tanba bele ona fasilita povu Timor-Leste, liu husi ajuda painél solar no fugaun rai ba komunidade.

“Ha’u agradese tebes ba Governu Japaun, tanba liu husi ajuda ne’e bele ona redús moras ba ita-nia inan feton sira nomós labarik sira, entaun bele rezolve problema komunidade nian,” nia dehan.

Nia hatutan, liu husi ajuda ne’e la'ós atu rezolve hotu kedas preokupasaun povu nian, tanba munisípiu Manatuto postu 4 de'it mak hetan apoiu refere hanesan postu Manatutu Vila, Soibada, Laklubar, no Laklo, tanba ne’e, la'ós hotu-hotu hetan, ne’e seidauk rezolve povu hotu nia moris, tanba mos nia ne’e husu ba Ministerio Administrasaun Estatal, atu kontinua husu ajuda ba Japaun, nune’e bele haree ba komunidade balun ne’ebé hela liu iha area remotas.