Terça, Maio 21, 2024
Total visitors: 766366

Presidente Autoridade Proteção Civil (APC), Suprintendente Polísia Ismael Babo hateten, komunidade ne’ebé hela iha foho lolon no mota laran, bainhira akontese dezastre naturais governu sei la fó ajuda rekoperasaun fatin.

Presidente Autoridade Proteção Civil (APC), Suprintendente Polísia Ismael Babo hateten, komunidade ne’ebé hela iha foho lolon no mota laran, bainhira akontese dezastre naturais governu sei la fó ajuda rekoperasaun fatin.

Nia dehan komunidade ne’ebé hela iha fatin risku hanesan iha foho no mota laran, bainhira akontese dezastre naturais, governu sei la fó fundus rekoperasaun, maibé bainhira komunidade sira-ne’e foti dezisaun hodi ba hela fali iha fatin seluk ne’ebé seguru no la akontese dezastre naturais, entaun ida-ne’e govenu sei fó ajuda.

“Ita sei la fó rekoperasaun ezemblu nia hela iha mota laran no hela iha foho lolon, bainhira rai monu hanehan, iha bee laran ne’e, estadu sei la bele fó. Kuandu fó bainhira nia muda ba fatin ne’ebé seguru no nia muda ba fatin ne’ebé labele akontese dezastre naturais.

Aleinde ne’e, rai estadu mós nia labele ba okupa arbiru. Kuandu ukupa arbiru, ita sei labele fó apoiu arbiru, rai tenki ninian duni, la’ós rai ema nian nia ba okupa arbiru deit ita fó ba. Aban bairua iha desizaun ruma ema mai sobu fali uma ne’e estadu lakon osan saugati de’it,” nia dehan iha nia servisu fatin APC, Caicoli, Díli.

Nia hatutan, rai bele sira-nian maibé halo uma tenki dook husi fatin risku ba dezastre naturais mais ou menus 50 metrus husi kauza dezastre naturais, maibé karik sira hela iha rai privadu sira nian rasik, maibé halo uma besik liuba fatin risku hanesan mota ninin, bainhira hetan dezastre naturais maka estadu sei la fó ajuda mos.

Nia haktuir iha tinan kotuk bainhira akontese dezastre naturais rejistu kazu dezastre naturas hamutuk uma-kain 5200 maibé um-kain 5000 kauza estragus ho kategoria tolu, muitu elevadu, elevadu ho mediu, entaun uma 5000 ne’e konsegue fó rekoperasaun ba uma 2000 deit ne’ebé tama iha kriteriu.

Iha fatin seluk, Xefe Suku Comoro, Eligio Marçal, hateten iha suku Comoro iha fatin sira ne’ebé sempre akontese dezastre naturais mak hanesan 12 de outrobru. Tasi-3, 4 de setembro, no Moris-foun, no iha fatin tolu refere mak iha tempu udan boot ituan sempre akontese dezastre naturais.

“Ema barak mak hela iha foho leten kee rai tuir sira-nia gostu, tesi hotu ai sira-ne’e, entaun halo rai mamar. Udan mai akontese dezastre naturais rai monu. Ema sira ne’ebé hela iha foho lolon no mota laran hanesan iha mota Komoro uluk kedas governu haruka atu sai, sira kontinua hela tanba sira sai atu ba ne’ebé, la iha fatin seluk,” nia dehan.

Nia informa tan kaak komunidade fatin risku sira ne’e kontinua hela iha fatin risku no durante ne’e governu fó ona ajuda no haruka atu sai ba hela iha fatin seluk, maibé sira lakohi sai.