Quinta, Junho 13, 2024
Total visitors: 766366

Diretór Jestaun Merkadu no Turismu, iha Munisípiu Dili, Althur Henriques informa pessoal jestaun merkadu fo ona xamada atensaun ba vendedór aifuan iha merkadu aifuan Lecidere, atu faan deit aifuan labele faan tan produtu seluk hanesan aifarina, feuk, modo, liis, tomate no seluk tan.

Diretór Jestaun Merkadu no Turismu, iha Munisípiu Dili, Althur Henriques informa pessoal jestaun merkadu fo ona xamada atensaun ba vendedór aifuan iha merkadu aifuan Lecidere, atu faan deit aifuan labele faan tan produtu seluk hanesan aifarina, feuk, modo, liis, tomate no seluk tan.

Nia dehan vendedór ne’ebé kontinua faan produtu seluk iha merkadu aifuan no okupa espasu públiku sira hanesan tortoar leten sira sei halo apresaun ba produtu sira ne’e no aplika sansaun koima ho montante $5 até $500 dolar amerika.

“Ita bo’ot sira hatene katak ami tau ona kuadru iha ne’eba hateten iha ne’e bele faan deit aifuan laos produtu seluk. Molok ami ba hasai sasan sira ne’e ami halo ona avizu ante tanba ne’e ami husu sira nia komprensaun atu kolabora fatin ne’e laos atu faan produtu lokal seluk,” nia hateten iha servisu fatin Matadoru, Dili.

Nia hateten produtu lokal seluk nia fatin mak iha merkadu Taibesi no Manleu, labele merkadu aifuan nian faan hotu produtu seluk.

Alende ne’e, sira mos fo ona avizu ba vendedór nuu ne’ebé konsentra iha jardin Motael atu ba faan fali iha merkadu aifuan nia sorin tanba konsidera aifuan hotu.

Nia informa sira finaliza ona esbosu dekretu lei ida atu reforsa implementasaun dekretu lei no 33/2008, liu-liu mekanismu aplikasaun sansaun administrativu ba sidadaun sira ne’ebé dezobedensia ba regras.

Konaba produtu ne’ebé sira halo apresaun, nia dehan sira fo apoio ba institusaun solidaridade sira hanesan uma mahon, asosiasaun defisiénsia no orfonato sira.

Iha parte seluk, Kordenador Vendedór aifuan, Francisco Castro Pereira rekoñese durante ne’e sira faan produtu kahur aifuan no produtu seluk hanesan aifarina, talas, liis no tomante, maibe ba oin sei la faan tan.

“Hau tuir kursu iha Jogja Indonesia, loos duni katak merkadu ba aifuan ne’e bele faan deit mak aifuan labele faan tan produtu seluk tanba ne’e ita hotu iha lei nia okos ami sei kopera no la faan tan produtu seluk iha ne’e,” nia hateten.

Nia garantia vendedór sira sei la faan tan produtu seluk, maibe preokupa ho vendedór aileba sira ne’ebé faan moos aifuan hamrik iha merkadu oin atu kria tan fatin ba sira.