Terça, Maio 21, 2024
Total visitors: 766366

Sekertáriu Sekretaria de Estadu Protesaun Sivíl (SEPS) Domingos Mariano Reis hateten uma-kain 17 iha Suku Luka, Postu Administrativu Viqueque, Munisípiu Viqueque, afetadu ba dezastre naturais.

Sekertáriu Sekretaria de Estadu Protesaun Sivíl (SEPS) Domingos Mariano Reis hateten uma-kain 17 iha Suku Luka, Postu Administrativu Viqueque, Munisípiu Viqueque, afetadu ba dezastre naturais.

SEPS Reis dehan, dezastre naturais refere seidauk hetan apoia emerjénsia husi autoridade protesaun, tanba mota boot, maibé autoridade protesaun sivíl sei buka meius atu nune’e bele apoia netik komunidade sira ne’ebé afetadu.

“Autoridade protesaun sivíl prontu hela 24 oras atu responde emerjénsia ba komunidade sira ne’ebé hetan dezastre naturais. Ami preokupa hela, maibé APC labele ultrapasa, tanba bee hale'u, tanba ne’e agora ami koordena hela ho autoridade nasionál petróleu oinsá atu apoia helikopter para ita bele mobiliza ai-han emerjénsia sira ba iha bairru ida ne’e.

Ba komunidade sira ne’ebé seidauk hetan apoia emerjénsia, hein de'it tanba autoridade lokál sira sei foti hela dadus, no sei lori apoia ba komunidade sira ne’ebé hetan dezastre naturais,” nia dehan iha Muzeu Rezistensia, iha Díli.

Iha parte seluk, reprezentante Prezidenti Autoridade Munisípio Viqueque, Aljaksono S. Maia hateten, agora dadaun sira halo hela planu oinsá atu bele rezolve komunidade sira ne’ebé afeta ba dezastre naturais iha munisípiu Viqueque, tanba foin lalais ne’e komunidade barak mak afeta ba dezastre naturais.

“Prezidenti Autoridade Munisipio Viqueque nafatin halo koordenasaun ho lideransa komunitária sira hanesan xefe suku no xefe aldeia sira, para oinsá atu rezolve problema dezastre naturais sira-ne’e iha tempu badak. Ita mós sei halo koordenasaun ho autoridade Suku Luca nian, atu nune’e bele haree ba mota Welolo, ne’ebé mak sempre fó ameasa ba komunidade sira ne’ebé hela iha fatin ne'ebá,” nia dehan.

Nia salienta atu haree ba problema sira refere, mak Prezidente Autoridade Munisípiu Viqueque no autoridade lokál sira tenke servisu hamutuk, atu nune’e bele rezolve lalais problema sira, tanba foin lalais ne’e udan boot no estraga komunidade sira nia uma barak no mós estrada públiku sira iha munisipiu Viqueque.