Hafoin halo fiskalizasaun ba restorante sira iha Metiaut, membru Komisaun G Parlamentar identifika katak restorante sira ne’ebe kompania sira halo laiha kualidade tanba agora balun aat fali ona.
“Hau husu Governu Aliansa Maioria Parlamentar(AMP) tenki toma responsabilidade, tanba restorante hirak ne’e seidauk to’o tinan,” levanta Deputadu Inacio Moreira,iha plenaria Parlamentu Nasional, semana kotuk,(21/02).
Iha fatin hanesan Deputadu husi bankada Partidu Unidade Nasional (PUN), Domingos Mesquita husu ba Governu liu-liu Ministeriu Turismu Comersio e Industria (MTCI) atu responsabiliza ba obra ne’e.
“Hau hanoin ida ne’e responsabilidade bo’ot Governu nian, tenki eziji ba kompania nebe kaer projetu ne’e tenki responsabiliza,” Mequita sujere.
Tuir nia, govenru iha kompetensia atu fo sansaun ba kompania ne’ebe kaer projeitu ne’e, tanba sa mak restorante ne’e seidauk to’o tinan maibe aat tiha fali.
“Halo intensaun diak para area Turismu ninian bele atrai ema bele ba iha Metiaut,” nia dehan.
