Atu fasilita servisu membru Polisia Nasional Timor-Leste (PNTL) ho diak liu tan, liu-liu garante seguransa durante kampanha no eleisaun Presidensial no Parlamentar, Instituisaun PNTL sosa tan kareta foun hamutuk 48.
“Kareta 48 ne’e, sei fahe 35 ba iha Komandante Distritu sira no estasaun polisia iha teritoriu tomak, no 13 ba iha Vulneravel Personil Unit (VPU) atu sira bele servisu ho diak liu tan,” hateten II Komandante Jeral PNTL Superintendente Afonso de Jesus, semana kotuk (28/02) iha Kaikoli, Dili.
II Komandante de Jesus dehan, orsamentu ne’ebe uza hodi sosa kareta ne’e, orsamentu PNTL nian husi Orsamentu Jeral do Estadu (OJE) 2011 nian.
Tuir nia, objetivu sosa kareta ne’e atu distribui ba iha Distritu sira, atu fasilita membru polisia sira nia servisu iha parte operasional no administrative no bele responde iha kualker situasaun inklui mos durante kampanha no eleisaun presidensial nian.
Entretantu tuir membru Komisaun B Parlamentar, Deputadu Paul Fatima Martins katak kareta hirak ne’ebe sira sosa ne’e atu fasilita sira nia servisu operasional bele la’o diak liu tan.
“Ita espera katak sira bele uza kareta ne’e ho efisienti, eficas para atu buka servi povu ho diak kona ba seguransa,” Eis Komandante Jeral PNTL Martins esperansa.
