Maske dalabarak kondutor mikrolet 010 dirasaun Comoro nian halai la tuir regras ne’ebe iiha no hatun pasajeiru iha dalan klaran, tuir Komandante Polisia Tranzitu Nasional, Xefe Antonio L. C.Soares katak laiha sansaun ba sira maibe polisia sei fo atensaun ba sira.
“Mais kuandu bemo sira nebe maka hala’i la tuir nia jalur, ne’e mak sei iha sansaun ba sira,” hateten Xefe Soares,semana kotuk (17/02) iha Kaikoli Dili.
Tuir Xefe Soares, iha lisensa tranzitu nian mikrolet 010 tenke halai husi tasitolu ba to’o iha Bidau Santana. “Depois mak sira putar tun mai Loza Jacinto nian, igreja Katedral, tesik mai Triibunal Distrital Dili, tun mai Palasiu Prezidente tun liu ba Tasitolu,”nia informa.
Kona ba sira fila iha dalan klaran, nia hatutan tanba hare ba estudante oan sira husi eskola Sao Miguel no Sao Pedro ne’ebe barak liu e sira tenke volta fali.
Iha lidun seluk Deputadu Agusto Tara dehan kondutor sira lakohi halai to’o tasitolu tanba pasajeiru sira iha laran mos barak tiha ona.
“Dala ruma sira halai to’o tasi tolu gasta mina maibe dalaruma laiha antaun sira aproveita liu Merkadu Comoro nebe ke ema hola modo depois eskola oan sira,idak-idak hadau malu osan,” Tara dehan.
Nia afirma tan katak, kuandu prosesu hanesan ne’e maka lao bebeik mos ladun diak tanba latuir ona regras nebe maka iha, wainhira cundu dehan katak 010 tenki putar iha tasi tolu tenki halo nune’e duni para hotu-hotu senti katak Rai ida ne’e lao’o tuir displina nebe maka iha nomos responsabilidade iha Nasaun ida ne’e. tenik deputadu Tarra, iha PN semana kotuk (17/02).
