Ezekusaun Orsamentu Jeral Estadu ba ano fiscal 2012 nian hamutuk $25 milioens iha Sekretariu Obras Publiku (SEOP) atinji ona pursentu 75 (75%).
“Ami ezekuta ona 75%, hodi halo rehabilitasaun ba estrada sira no ponte sira ne’ebe maka aat,” dehan Sekretariu Estadu, Luis Vaz Rodrigues, iha Parlamentu Nasional.
Tuir nia, ezekusaun OJE iha SEOP la’o diak tanba kompania sira ne’ebe hala’o projeitu sira ne’e halo servisu ho diak mos n iha kualidade duni.
“Ami la minimiza kompania bo’ot ga ki’ik, mais ami hare kona ba kualidade, e durante ne’e servisu la’o ho diak,” dehan Sekretariu Estadu ne’e.
Nia esparansa katak, ba oin mai bele servisu ho diak liu tan, hodi bele atende povu nia preokupasaun no ezijensia baziku ne’ebe dalabarak liu sira infrenta.
Iha lidun seluk Deputadu Pedro da Costa hateten, ne’e ezekusaun ne’ebe diak, nune’e restu uza fali nesesidade seluk.
“Ne’e signifika katak, sira halo ona buat balun durante ne’e no hetan ona progresu, maibe balun mos seidauk, e osan restu bele uza fali ba buat sira ne’ebe seidauk,” Deputadu ne’e katak.
