“Agora tenta atu hadia fila-fali, kuandu hadia hotu ona otomatikamente sei la’o ho tarifa ka selu,” hateten Diretor DNSAS, Joao Jeronimo, iha Kaikoli, Dili.
Diretor ne’e haktuir, iha krizi 2006 material barak mak lakon tanba ne’e komunidade sira iha area urbana sira to’o agora seidauk hetan bee.
“Depois 2006 no 2007 ita atensaun liu ba ita nia refujiadu sira,nebe orsamentu ba material sira ladun iha, e ita hare oinsa para 2013 ne’e, parte sira ne’ebe hadia ona ita bele tama ona ba iha kobransa para ema hotu-hotu bele mantein bee,” Diretor Jeronimo tenik.
Entretantu Deputadu Antonio Ximenes Serpa hateten, bee la to’o iha komunidade sira iha area urbana sira tanba iha IV Governu Konstitusional Sekretariu Estadu ida deit, e fahe tempu la to’o no iha deseju barak.
Iha Kintu Governu konstitusional ne’e sei kanaliza be’e ba iha teritoriu laran tomak maibe la’o neneik, la’os dala ida deit,” dehan Deputadu ne’e.
