Maske nune nia haktuir tan katak estudantes sira remata sira nia eskola sekundariu iha tinan 2010 ba kotuk tenki tuir vagas ne’ebe mak universidade iha ba sira.
“Tamba sira iha ona vagas iha UNTL barak ona no sira ne’e sei tuir teste, se sira liu mak bele tama, se sira la liu labele tama. Ami sei hare ba valores ne’ebe diak mak bele tama hamutuk sira ne’ebe remata iha 2011 ne’ebe valores diak, atu bele halao prosesu aprendizasen iha UNTL,” hateten Xefe Viana, semana kotuk (26/01), iha nia knar fatin ME iha Vila Verde, Dili.
Ba estudantes ne’ebe remata sira nia eskola sekundario iha tinan 2010 ba kotuk universidade nasional aloka deit vagas hamutuk 50.
Entretantu Salvador Da Silva nudar estudante ne’ebe remata nia sekundario iha tinan 2010 hateten katak tuir lolos ME no Universidade tenki haree ba ema hotu ne’ebe hakarak atu ba kontinua estuda iha Universidade, no labele hare deit ba sira ne’ebe valor diak mak bele tama UNTL.
“Hau sente ida ne’e hanesan krime ne’ebe tenki hare ba estudante sira nia valor maske nia iha valor ne’ebe la diak maibe tenki hare mos ba kapasidade estudante sira nian,” hateen Da Silva.
