Prosesu resenseamentu Eleitoral iha Distritu Baucau foin taka iha loron 13 de Janeiru tuir kalendario ne’ebe Sekretariado Tekniku ba Administrasaun Eleisoens (STAE).
“Ami komesa halo resensiamentu ba kartao Eleitoral sira ne’e komesa iha dia 3 to’o 11 de Janeiro ba Eleitor Foun. Ba sira ne’ebe hakarak troka dadus ne’ebe la los ka tohar husi dia 3 Janeru to’o dia 13 de Janeiru 2012,” hateten Koordenador STAE, Distritu Baucau, Luis Freitas semana kotuk (12/1) iha nia knar fatin STAE Distritu Baucau, Vila Nova.
Tuir Kordenador Freitas ba sira ne’ebe tarde, bainhira Eleisaun 2012 hotu sei fo oportunidade ba sira. Ba sira ne’ebe estranjeiru, hola mane no feto iha Timor, presiza iha dokumentu legal husi Ministerio Justisa atu indika katak ema ne’e bele ona sai sidadaun Timoroan.
Prosesu halo eleitoral iha Distritu Baucau ba eleitor tenki lori deklarasaun husi Chefe suku ,deklarasaun husi Polisia investigador hafoin mak sira tenki prienche formulario ne’ebe husi STAE entrega ba Suku atu bele hetan fali kartao eleitoral foun.
Atu print fali mos tenki tuir Suku ida ida tamba Distritu Baucau iha suku hamutuk 59 tanba ne’e STAE husu ba eleitor sira hein deit iha suku fo avizu mak sira ba foti deit sira nia kartaun eleitorila iha eskritorio STAE.
Iha Parte seluk Cesaltino Dos Santos, Estudante, hateten katak nudar Eleitor tenki hein atu bele hetan fali eleitoral foun hafoin Eleisoens ba nia la dun diak ida tanba atu trata dokumentus no assuntus oin-oin iha rai laran presiza aprezenta kartaun eleitoral.
“Hau la kontente tamba atu tama Internet mos tenki iha kartao Eleitoral mak bele tama no mos atu trata surat ruma mos labele halo tamba kartao elitoral laiha,” hateten Estudante dos Santos.
