Relasiona ho ema balun insulta no ameasa malu liu husi telephone, Prezidente Parlamentu Nasional (PN) Fernando Lasama de Araujo husu ba kompania Timor Telekom (TT) atu rejistu hotu ema ne’ebe sosa sim card.
“Uluk ita koalia ona hodi husu ona ba Timor Telecom,se mak atu sosa numeru tenki resjistu para bele kontrola se mak uza numeru ida ne’e,”hateten Prezidente Lasama de Araujo, semana kotuk (16/01) iha plenaria parlamentu.
Tuir nia, katak oras ne’e dadauk negosiante sira komesa fa’an iha dala-dalan barak ona ,e balun la rejistu.
“Ita hotu-hotu tenki fo atensaun ba parte siguransa ninian,telefone hodi amesa malu,” nia katak.
Tanba ne’e Lasama husu ba kliente sira katak,se mak hakarak sosa Sim Card tenki rejistu iha Timor Telecom atu nune’e bele identifika numeru.
Entertantu Deputada Fernanda Lay husu ba ministeriu kompetente atu tau matan ba TT tanba oras ne’e dadauk Sim Card fa’an iha TT la iha maibe fa’an iha dala-dalan barak liu.
“Hau nia observasaun posibelmente sira buka fee ou venda de Cartoens Sim Card,ema ba d ala rua ka dala tolu iha Timor Telecom Sim Card la iha nafatin,”Deputada ne’e kestiona.
Relasiona ho problema ne’e,bainhira nia parte husu ba TT tansa mak la fa’an Sim Card,maibe TT la esplika.
“Ida ne’e hau lamenta teb-tebes,hau hato’o hau nia espresa ou hau nia deskontentamentu,” nia lamenta.
