“Direitu konsumidor sira nian atu reklama, se hetan servisu la dun diak, la satisfeitu ninia hakarak,” hateten Deputadu da Costa, iha Parlamentu Nasional, Dili, semana kotuk(13/12).
Nia hatutan tan katak presiza halo regulamentu ida atu nune’e bele konsumidor sira bele satisfeitu.
“Ida ne’e mak Governu ho Estadu hakarak tama ona ihan kompetisaun Liberalizasaun telekomunikasaun ne’ebe tau iha Orsamentu Jeral do Estadu. Um Miliaun resin tau iha ne’eba atu hare ba legislasaun regulamentasaun atu tama ba iha liberalizasaun telekomunikasaun,” hateten Deputado da Costa.
Tuir nia katak objetivu atu tama ba iha liberalizasaun telekomunikasaun nian oinsa para bele hatun nia presu atu nune’e bele kliente sira bele satisfeitu.
Iha fatin hanesan Deputadu Inacio Moreira hateten katak ema barak mak la dun satisfeitu ba Timor Telekom.
“Hau rona Governu AMP mos halo tiha ona Dekretu Lei konaba liberalizasaun ninian atu husu ba investor seluk nebe hakarak mai investe area telekomunikasaun iha Timor-Leste.”
Deputado Moreira sujere ba Govenu bele halo liberelaziasaun maibe labele halai ses husi kontratu konsensaun ne’eben iha tiha ona.
“Bele halo Liberalijasaun maibe, oinsa? Entaun ita tenki halo lei ke forte para bele regula hotu-hotu. I Timor Telecom futuru mai tenki sai Emprensa Publika ba Estadu ninian,” hateten tan Deputado Moreira.
