Tuir Secretario Jeral Sindikatu Professores Timor-Leste (SPTL), Francisco da Costa Fernandes, Ministerio Educasaun (ME) tenki espika klaru kona ba objectivo Formasaun ba Professores tamba durante ne’e profesores barak ba tuir formasaun maibe sira seidauk hatene kona ba objectivo husi formasaun ne’e ka bazeia ba politika ruma.
“Kursu ne’e finaliza sei halo teste para bele asesu ba iha vaga ruma ou tama iha escalau ou kategoria. Formasaun ne’e atu ajuda professors sira ne’ebe agora dadauk seidauk asesu ba iha rejime de kareira permanente para valoriza formasaun para sira bele asesu direita ba iha rejme permanente ka oinsa,” hateten SJ SPTL, Fernandes semana kotuk (14/12), iha nia knar fatin Knua Buka Hatene, iha Colmera, Dili.
Tuir nia mos katak Professores balun la hateten tansa sira presiza tuir formasaun ne’ebe ME fo ba profesores iha tempo feriado tanba hanesan formasaun ne’e hanesan formasaun sira simu ona atu akaba sira nia estudu iha Baixarelatu.
Tuir haktuir tan katak asesu ba iha parte rua ne’e entau tenki identifika professores sira ne’ebe akaba ona baixarelatu la presiza tuir tan kursu ne’ebe ME fo iha tempo feriado tamba ema ne’e akaba tiha ona baicharelatu; ou se karik atu halo kapasitasaun ba professores, kapasitasaun saida tan ne’ebe la hanesan.
“Ami sempre koalia hela deit kona ba asuntu ne’e maibe ema ida nunka atu rona para no responde kona baa mi nia ezijensia ida ne’e,” katak SJ Fernandes.
Entertantu Vise Prezidente para a Formasaun Professional e Continua INFORDEDPE, Antoninho Pires, hateten katak bazeia ba fator determinante ba kuadru de kompetensias ne’ebe ME estabelese ona ba professors sira iha Timor Leste.
Profesores sira tenki minimu iha kompetensia hat mak: domina lian hanorin nian, domina metodologia hanorin nian, domina materia hanorin ninian, no iklui mos kapasidade academika professores sira nian.
Tuir Lei Ministerio Educasaun nian katak professores sira ne’ebe atu hanorin iha nivel escola bazika mai kraik tenki minimo iha kualifikasaun baicharelatu. Professores sira hanorin iha nivel secundario minimo tenki hetan ona sarjana ka licenciatura.
“Ita profesores sira ne’ebe iha tereno barak mak la priense criteria sira ne’e entau husi formasaun tenki hare oinsa mak atu bele forma iha area academica ninian atu sira bele hasa’e sira nia habillidade literaria ba iha lei grau ne’ebe haruka,” hateten Vise Prezident INFORDEPE Pires.
