Komandante Jéral PNTL Komisáriu Asistente Afonso da Costa salienta katak rekrutamentu membru ba Polísia Nasionál Timor-Leste (PNTL) foun 400 la sufsiente, tanba ne’e aumenta kuota ba 700 membru foun hodi kobre situasaun rai-laran.
“Dadaun ne’e membru polísia husi Komandu Jerál, munisípiu no unidade sira maioria idade hotu ona, tanba ne’e presiza iha membru foin-sae sira atu koloka,” nia dehan.
Nia hatete, iha re-rekrutamentu ne’e Komandu Jerál deside ona vaga 700 hodi aprezenta ba Ministru hodi bele rekruta fila-fali iha tempu besik.
“Ita sei halo urjentemente, tanba kampaña eleisaun prezidensiál mós besik ona nune’e mós kampaña parlamentár,” Komadante Jéral PNTL Komisáriu Asistente Santos informa.
Nia dehan, iha re-rekrutamentu ne’e komisaun sei la fó ba governu mak organiza, maibé sei organiza direita husi Komandu no GNR (Guarda Nacional Republicana) husi Portugal no husi governu monitoriza de’it.
Enkuantu rekrutamentu antes ne’e la-validu, tanba ne’e sei halo rekrutamentu foun no sei garante katak sei la mosu sistema famíliarismu, tanba sei teste direita husi GNR sira.
Iha parte seluk, Mariano Gonçalves nu’udar joven dehan, espera iha rekrutamentu ba membru foun ho kuota ne’ebé bo’ot ne’e bele inklina povu ai-leban nia oan barak no sei la mosu sistema famíliarizmu.
“Bainhira mosu famíliarizmu maka povu al-leban nian se menus no maioria husi ema ne’ebé iha poder sira-nia oan no família mak sei domina,” nia dehan.Nia dehan, husu atu iha rekrutamentu foun ne’e tenke implementa sistema eliminatóriu, labele akumulativu nune’e partisipante hotu satisfas no rezultadu, atu pasa ka la pasa.
