Governu liuhusi Ministériu Obras Públikas (MOP) prepara ona projetu alargamentu Estrada Taibesi ba 12 metrus hodi hamenus engravamentu tráfiku no mellora mobilidade iha kapital Díli, liuliu iha área Taibesi ne’ebé durante ne’e sai pontu konjestionamentu kada loron.
Ministru MOP, Samuel Marçal, esplika katak estrada Taibesi mak dalan estratéjiku ida tanba liga área rezidensiál, merkadu, sentru negósiu nomós dalan prinsipal ba semitériu Becusse no kresimentu númeru veíkulu no atividade ekonómika iha área ne’e.
“Alargamentu ba 12 metrus sei permite movimentu veíkulu diresaun rua ho seguru liutan, tanba ita haree bainhira tempu ema ruma mate, ba hakoi iha semitériu Becusse, engrafamentu iha fatin ne’e makaas tebes, tanba ne’e mak ita hakarak halo luan tan estrada ne’e atu nune’e movimentu ba mai livre,” dehan Ministru MOP Marçal, iha Taibesi, Díli.
Nia mós akresenta katak projetu ne’e la’ós de’it kona-ba alargamentu dalan, maibé inklui hadia sistema drenajen atu prevene bee durante tempu udan, instala sinalizasaun foun no marka dalan tuir padraun seguransa rodoviária.
“Estrada ita sei loke halo luan tan husi ne’e ba to’o iha ponte My Friend, tanba ne’e mak agora tékniku sira komesa halo ona dezeñu, tanba ne’e Primeiru-Ministru husu atu loke halo luan ituan tanba estrada klot liu,” nia esplika.cb
Nia afirma komunidade sira iha área ne’e maioria konkorda ho planu governu nian atu haluan tan estrada, tanba ne’e la iha problema, maibé tékniku sira halo ona relatoriu dadus komunidade nian.
Nia salienta tan katak, projetu alargamentu estrada Taibesi ne’e espera la’ós de’it hamenus engravamentu tráfiku, maibé mos suporta dezenvolvimentu ekonómiku iha área ne’e, tanba asesibilidade di’ak sei fasilita transporte merkadoria no servisu. Iha tempu naruk, governu espera infraestrutura rodoviária ne’ebé adekuadu sei kontribui ba planeamentu urbanu ne’ebé ordenadu no sustentável iha kapital.
Iha parte seluk, reprezentante komunidade Taibesi, Agustinho da Costa, hateten komunidade durante tinan barak hasoru difikuldade, tanba tráfiku ne’ebé nakonu liu-liu iha oras hanesan dader bainhira labarik sira ba eskola no lokraik bainhira ema fila husi servisu.
“Estrada ne’e durante ne’e ki’ik loos ba númeru kareta ne’ebé aumenta kada tinan, ami hein kleur ona, projetu ida-ne’e bele sai solusaun ida ba problema ne’e,” dehan Komunidade Costa.Nia mós husu ba governu atu asegura katak prosesu konstrusaun la prejudika negosiante ki’ik sira ne’ebé halo atividade iha merkadu Taibesi, tanba ne’e rekomenda atu iha sosialisasaun klaru ba komunidade molok obra hahú, inklui informasaun kona-ba tempu implementasaun.
hello world
hello world
finasteride hair loss
finasteride hair loss
linezolida
linezolida
antibiotics for bronchitis
antibiotics for bronchitis
sildenafil bph dosing
sildenafil bph dosing
Comments are closed.