“Fatin ida ne’e la’os fa’an kareta nian, ita nia povu sira loro-loron tiga roda dudu deit iha trotoar, Polisia ba duni tiha,” preokupa Deputadu Eladio Faculto, iha Plenaria Parlamentu,(26/02).
Deputadu be’e lamenta tanba negosiante roda tolu ne’ebe fa’an iha ne’ba poliisa duni enkuantu kareta bo’ot-bo’ot sira ne’e husik hela deit.
“Ne’e injustisa sosial,labele husik deit hanesan ne’e,ema sira nebe osan bo’ot fa’an kareta iha Palacio para estraga deit movimentu ema nian,” Deputadu Faculto kestiona.
Tuir nia, fatin ne’e la’os atu fa’an kareta nian maibe fatin ba rekreasi nian.
Entretantu Komunidade ne’ebe hela besik iha fatin ne’eba, ne’ebe lakohi nia identidade hateten kareta sira ne’e fa’an kleur ona iha ne’e.
“Agora ema sira nebe fa’an dua roda tiga roda sira fa’an iha ne’e Governu mai duni sira maibe ema sira nebe fa’an kareta no Motor iha ne’e husik deit,”dehan fontes konfirmadu ne’e.
Tuir fontes ne’e katak,kareta no motor sira fa’an iha fatin neba durante tinan tolu resin ona.
“Motor ninian uluk hau buka motor atu sosa ne’e iha ne’e ema fa’an barak tiha ona,”dehan fontes konfirmadu ne’e.
TDW koko kontaktu ba Admistrasaun distritu Dili maibe,dmistrador Gaspar Soares la fo informasaun tanba tuir hela enkontru.
“Hau iha enkontru laran hela depois mak ita bo’ot kontaktu,”dehan Admistrador Soares.
