“Ami hanoin uza de forsa hanesan ne’e, kompania sira atu lakohi halo dialogu ho komunidade,hau hanoin ita presiza hare didiak tanba ita hotu hakarak dezenvolvimentu nasional ida ne’ebe povu iha kraik bele hetan benefisiu,” kestiona Deputadu Francisco Branco, iha plenaria Parlamentu, iha PN.
Deputadu ne’e kestiona tanba dezenvolvimentu iha nasaun ne’e fo benefisiu ba ema hotu e la’os ba grupu balun deit. “Ne’e kestaun seriu tenke tau atensaun,”.
Hatan ba preokupasaun ne’e Sekretariu Estadu ba Asuntus Parlamentares, Deputada Maria Terezinha Viegas katak, asuntu ne’e sira enkaminha ona ba Ministeriu ne’ebe mak kompetente.
“Depois de ami hetan tomada de pose hahu iha Agostu ami mai halo atendimentu hola parte iha sesaun plenaria semana-semana,informasaun sira ne’e ami enkaminha,” katak SE Viegas.
