“Se imi balun sei namkari hela, ida-idak lakohi rekonese ba malu,ne’e susar oituan imi atu servisu sai professional, e lei ne’e mai para resolve netik situasaun jornalista sira, nune’e imi servisu tuir lei no ida-ida bele respeitu sira nia profisaun ho diak,” dehan SE Nelio Isaac Sarmento, (14/08), iha nia knar fatin Palasio Governu, Dili.
Tuir nia, Jornalista sira tenke hamutuk fo kredibilidade ba Governu hanesan Parseiru.
Entretantu Deputadu Mateus de Jesus katak,kualker lei nebe mak Governu haruka mai Parlamentu fo duni benefisiu ba rai no povu ida ne’e inklui lei komunikasaun social nian sei hetan aprovasaun husi Parlamentu .
“Hau senti katak lei komunikasaun Sosial mos importante maibe depende ba iha Governu,Governu sente periodu ida ne’e importante ba lei ida ne’e, entaun sira sei fo mai iha Parlamentu,”dehan Deputadu de Jesus.
