“Agora dadaun sobu ne’e tanba kompania la tuir saida maka ami nia tekniku sira haruka iha terenu, ne’e duni ami haruka sobu,” dehan Xefe Divizaun Estrada, Jose Agusto, (16/08), iha Palapaso, Dili.
Xefe Divizaun Estrada ne’e dehan, alkatraun ne’ebe agora dadaun fui iha estrada ne’e diak no iha kualidade tanba kontraktor sira lori husi Afrika mai e alkatraun ho naran Karboon Cool ne’e kuandu kona udan nia metin liu tan.
Kona Estrada ne’ebe sobu fali ne’e, tuir nia, iha tempu badak kompania halo fila fali tuir saida maka Tekniku sira haruka iha terenu, atu nune’e estrada ne’e bele iha nia kualidade no la’o tuir desain ne’ebe iha.
Entretantu Deputadu Mateus de Jesus katak, ne’e responsabilidade Kompania ne’eba kaer projeitu ne’e, kuandu la tuir dezenu tenke sobu fali.
“Hau agradese ba Governu, e kompania ne’ebe maka atu halo projeitu ida iha Timor sira tenke hare ba dezain ne’ebe maka Governu halo ona, no tenke tuir ekipa tekniku ne’ebe maka kontrola iha terenu,” Deputadu de Jesus katak.
