Rezultadu fiskalizasaun nebe membru komisaun H Parlamentar halo iha Distritu Oe-Cusse identifika katak, edifisiu Sekretariu Estadu Formasaun Profesional e Empregu (SEFOPE) kondisaun la diak ona tanba wainhira tempu udan bee tama deit iha laran.
“Edifisiu ne’e halo iha 2010, halo hotu o hotu udan tau, bee tun fila fali uma laran, ema ba hare hotu ona maibe to’o agora la konsege hadia,” hateten Prezidente Komisaun H, Deputadu Antonio Cardoso, semana kotuk (03/04) iha Uma Fukun Dili.
Prezidente Komisaun H ne’e dehan, nia parte seidauk hatene kona ba lalaok halo kontratu ba projetu ne’e, tanba ne’e husu ba ministeriu kompetente atu hare kestaun ne’e.
Entertantu membru komisaun H, Deputadu Alberto da Silva Cruz informa, edifisiu SEFOPE ne’ebe bainhira udan bee tama ne’e, uza ba uma atu halo tahu-tempe nian iha Distritu Oe-Cusse.
“Presiza tulun husi Governu, liu-liu SEFOPE, tanba uma ne’e uza tali tahan deit, e uma kakuluk fohuk tiha,” hateten Deputadu da Cruz.
Deputadu ne’e mos sujere ba SEFOPE atu halo luan tan uma ne’e, ho kapasita joventude sira iha distritu ne’e.
Maske nune’e, tuir nia, implementasaun projetu tres dollar la’oa ho diak.
Entretantu bainhira TDW koko konfirma asuntu ne’e ba iha SEFOPE, maibe la konsege tanba Sekretariu Estadu, Bendito Freitas okupadu.
