“Lolos ne’e ita presiza juiz barak, tanba kuandu forma koletiva, juiz nain rua internasional nain ida no nasional nain ida, enkuantu juiz prezidente kaer liiu kazu espesifiku hanesan eleisaun prezidente no parlamentu nasional. Kona ba kazu krimi grave ordinariu, ne’e juis sira seluk mak toma konta,” hateten Ofisial Justisa Ximenes, semana kotuk (22/03) iha Kaikoli, Dili.
Tuir nia, ba agora dadaun, juiz sira ne’e sufsiente atu atende kazu sira ne’ebe tama mai iha TR tanba ladun barak, maibe ba future presiza habarak liu tan juiz sira.
“Agora dadaun ne’e ita hare to’o, tanba volume prosesu ladun barak, mais ba oin presiza, tanba juis internasional sira ne’e kontrak tuir akordu kooperasaun no sira ba tiha entau menus, ne’e duni presiza juis timor oan barak,” Ofisial Ximenes katak.
Entertantu Membru Komi¬saun A Parlamentar, Deputadu Mario Carascalao, maske juiz sira seluk uza ema internasional tanba Timor sei falta de rekursu umanu maibe juiz prezidente tenke ema Timor.
“Tanba juiz internasional sira lahatene karakter no kultura ema Timor, neduni se bele juiz prezidente ne’e tenki ema Timor,” Eis Vise Primeiru Ministru ne’e sujere.
“Ita nia rai ne’e rai independente enkuantu ita laiha rekursu umanu, laiha juis nebe maka nato’on, ita bele rekruta juis husi liur maibe juis prezidente sira ne’e tenki ema Timor, nune’e ita labele lakon ita nia soberania,”.
