“Eskavator barak mak la halo servisu iha neba , e estrada to’o agora kareta sira labele liu,” levanta Deputadu Moizes, semana kotuk (12/03) iha plenaria PN.
Tanba ne’e nia parte husu ba Ministeriu ne’ebe kompetente atu tau atensaun lalais ba estrada ne’e,, nune’e transporte sira bele halo movimentu ba mai.
“Hau husu sebele karik Senhor Vise Infrastrutura bele ajuda lalais, lori eskavator ba dudu estrada monu hela neba,” Deputadu ne’e sujere.
Entertantu membru Komisaun G Parlamentar, Deputadu Inacio Moreira hateten iha proposta orsamentu 2012 nian, Ministeriu Infraestrutura hato’o iha Parlamenta katak atu hadia estrada nune’e bele fasilita komunidade sira iha eleisaun prezidensial no Parlamentar maibe realidade kondisaun estrada sai aat liu tan.
“Ne’e hau konfirma estrada iha Maliana deit ,horseik iha dia 11 Marsu, kareta hotu-hotu labele liu no trankadu hotu besik distintu Deputadu Romeo Moizes ninia uma,” hateten Deputadu Moreira.
Deputadu Moreira preokupa liu tan, tanba la iha ekipamentus ida atu hadia estrada iha fatin ne’eba.
“Ne’e ba hau ironika liu, tuir lolos labele akontese, so akontese deit iha Governu AMP nia ukun,” Deputadu ne’e lamenta.
Iha fatin hanesan Deputadu Estanislao da Silva, husu ba Polisia sira atu kontrola ba kareta sira nebe mak tula pasajeirus atu labele tur iha bis nia leten, nune’e bele prevene ema mate barak bainhira kareta baku fila.
“Se bele kontrola para ema labele tur iha kareta leten, labele tabele kareta husi Dili ba Baucau ,Manatuto ka Liquisa tanba estrada ohin loron at teb-tebes,” Deputadu da Silva sujere.
“Ida ne’e perigu bo’ot ba ita nia ema nebe sirkulasaun transportes,diak liu ita prevene duke ema mate,” Eis Ministru Agrikultura no Peska ne’e fo hanoin.
Entretantu bainhira TDW koko konfirma asuntu ne’e ba iha Sekretariu Estadu Obras Publika, Domingos Caero maibe la konsege tanba Sekretariu Estadu laiha fatin.
