Ministra da Justica Maria Lucia Brandão Lobato semana kotuk (27/02) iha salaun Paroquia Nossa Senhora do Rosario De Oe-cusse ofisialmente lansa entrega Certificado Rai ba povu Atoni Oe-cusse ne’ebe reprezetna ka simbolikamente ema nain sia no agora se’i prosesu tan ba ema nain 48.
“Oe-cusse sai hanesan espesial tebes ba governu tanba sucsesu servisu buat hotu tenke hahu husi Oe-cusse maka ba fali distritu sira seluk hanesan pasaporte mos hahau husi Oe-cusse, Passa Frontera mos Oecusse, agora sertifikado rai mos hahu uluk husi Oe-cusse tanba Oe-cusse dook husi sidade no besik fronteira tanba ne’e maka hetan diretu especial ida husi Ministerio da Justica,” nia esplika.
Ministra Lobato esperakatak bele kontinua nafatin halo oinsa atu bele halo planu servisu ba oin mesmu governu ne’e atu remata ona nia mandatu maibe funsionariu se’i kontinua sira nia servisu ne’ebe husik hela to’o agora atu nune ba oin nafatin.
Iha fatin hanesan Diretur Diresaun Nacional Terras Propriedade e Servisu Cadastrais (DNTPSC), Julio Mota Nheu, hateten iha nia mensajen badak kona-ba publikasaun mapa rai iha distritu Oe-cusse to’o agora tanba ne’e maka foin lalais sira intrega sertifikadu ba nain sia no nain 48 maka seidauk.
Total area koleksaun iha distritu Oe-cusse 57 areas koleksaun agora publika ona sia (9) no falta 48. Total dadus area kodisaun iha ne’e 350 parselas, total dekklarantes 412, total rai privadu 304 parselas, total ba rai abandonado 65 provizorimentu husi parte governu klaim total ba rai publiku 31.
“Iha oportunidade kmanek ida ne’e ita se’i simu simbolikamente sertificado hanesan simbolu ida ba ita nia rai ne’ebe sira nain sia maka se’i simu uluk iha area kondisoens no iha 48 husi parte governu nian se’i publika.”
Vise Administrador Oe-cusse Fransisco Banu hateten katak povu Oe-cusse hanesan povu kiik ida tanba ne’e nia husu pasensia hodi hein simbolukamente rai nia sertifikado hodi sai nudar dokumentu ida na rai iha futuro.
“Ami fo agradese ba Ministra da Justica nia esforsu tanba ne’e maka ohin lororn realiza ona nia servisu hodi fahe sertifikado rai nian iha ami nia distritu,” hateten Vise Banu.
