Negosiante ne’ebe fa’an iha trotohar leten iha Merkadu Hali-laran prontu atu muda ba merkadu Taibesi wainhira Governu fo ona autorijasaun ba siraatu hamamuk fatin neba ,maibe tenki muda hotu ba Taibesi , labele negosiante balun kontinua fa’an deit iha neba se lae fo impaktu ba sira nia sasan sai dodok ema la sosa.
“Ita hakarak hotu-hotu mudah hotu bele, se muda deit balun se mak atu hola ami nia sasan,” hateten Manuela Sarmentu, iha Merkadu Hali-laran, semana kotuk,” (08/02).
Negosiante Sarmentu dehan, nia pronto atu sai husi merkadu Hali laran ba Merkadu Taibesi maibe tenki muda sai negosiante hotu-hotu, se lae fo impaktu ba sira nia sasan ema la sosa.
“Ami kualker tempu deit deit wainhira Governu iha ona autorijasaun atu muda sai fatin ne’e ba Taibesi,” dehan Negosinate Merkadu Hali-laran.
Iha fatin hanesan, Ramilca Ramos, Negosiante sigaro iha merkadu Hali-laran ne’ebe fa’an iha estrada ibun hateten, nia parte pronto sai ba merkadu taibesi bainhira estadu haruka.
“Ami pronto dehan, ohin mak atu sai, no aban ga bainrua mak atu sai ami pronto atu sai,” Ramos dehan.
Tanba ne’e nia parte sujere ba Governu, wainhira muda sai sira tenki muda hotu-hotu labele husik deit balun fan kontinua fatin refere, selae sira nia sasan la folin.
“Mai haruka ami sai tenki, ami sira fa’an iha fatin ida ne’e tenki sai hotu ba Taibesi atu nune’e ami nia sasan mos ema bele hola,” nian husu.
Entertantu Joao Eugenio, Staf Senior Traffic Diresaun Nasional Transportes e Terestre (DNTT) hateten, negosiante sira iha Merkadu Halilaran tenki muda ba Taibesi tanba negosiante sira balun faan iha estrada ibun no halo engerafamentu transporte iha fatin ne’eba.
“Iha 2009 ami enkontru ho Admistrador Ruben Braz, iha momentu neba nia promete ba ami dehan, iha fulan Julhu, ami reuniaun iha semana ida nia laran tun ba terenu para atu muda Merkadu Halilaran fila fali ba Merkadu Taibesi mas ate agora la muda,” Staf Eugenio kestiona.
Tuir nia, maske husi DNTT tau lampu sinais tranzitu iha neba maibe Polisia Tranzitu la halo atuasaun ba iha neba.
“Iha Hali okos nian ami tau kedas sinais trannzitu iha neba ho 15 metrus nian labele para, mais asves ema para nafatin,” nia katak.
Entretantu bainhira TDW koko konfirma asuntu ne’e ba iha Administrador Distritu Dili, maibe la konsege tanba Administrador la iha fatin.
