Deputado Augusto Tara, PSD, kestiona iha Parlamentu Nasioanl atitude Deputadus balun seluk ne’ebe halao knar ho seriedade no disiplina professional tanba Deputado balun tama tuir sira nia vontade no diskusan plenaria sempre la’o tarde.
“Tanba deit dehan Parlamentu fatin politika, fatin Demokrasia ninian, dalaruma mai 11:00, oras ida ka rua sai fali,” nia husu, iha plenaria PN,semana kotuk,(24/01).
Deputadu ne’e dehan, tuir rejimentu Parlamentu Nasional wainhira Deputadu ruma falta tuir sesaun plenaria liu loron lima tutuir tenki hasai.
“Iha lei ne’e dehan hanesan ne’e, rejimentu ne’e ita implementa ida diak mai ita ne’e, ida be ladiak ne’e ita seidauk implementa, tanba ema barak mak falta to’o semana mos rejimentu la regula ida,” Deputado Tara tenik tan.
Entertantu Prezidente Parlamentu Nasional, Fernando Lasama de Araujo, hato’o ba Deputado sira iha plenaria PN katak, Sexta no Sabadu, bele halo politika partidu ninian maibe Segunda, Tersa, Kuarta, Kinta, Deputadu sira tenki kumpri nia servisu iha uma fukun.
“Aviza ba ita nia mandatu atu hotu ona iha segundu lejislatura, invesde horsida ita dehan la tuir per mandatu,” Prezidente Lasama hato’o.
Lasama sujere ba membru PN sira tenki kumpri didiak rejimentu parlamentu ninian ida nebe la’o.
