Tuir Komandante Kommando Operasional Nasional, Polisia Nasional Timor-Leste (PNTL), Superintendente Armando Monteiru katak PNTL sei fo apoiu seguransa ba Komissaun Nasional das Eleisoens (CNE) no Sentral Apoio Tekniku ba Eleisoens (STAE) hodi koleta atributus partidu politiku (bandeira, spanduk, poster, no seluk tan) ne’ebe maka sei tau iha dalan-dalan iha tempu pre no pos kampanha eleitoral.
“Husi PNTL hanesan fo apoiu seguransa ba CNE, STAE, hodi kolegta artibutu sira, antes no depois Eleisaun, nomos persiza koperasaun no kordenasaun husi lider Partidus Politikus, tanba atu halibur atributu ne’e tenki iha koperasaun atu prevene kondisoens nebe maka ita la
hakarak,” dehan Superintendente Monteiru, semana kotuk (24/1) iha nia knar fatin, Kaikoli, Dili.
Nia Hatutan katak, PNTL sei asegura no sei aruma atribute sira ne’e wainhira seidauk to’o tempu kampanha no PNTL, no husi CNE, STAE, sei kopera hamutuk atu hare ba kondisaun ne’e.
Iha parte seluk, Deputadu Paulo Martins, CNRT, dehan katak partidus politikus hotu presiza tuir regras ne’ebe iha ona kona ba uzu atributus partidus nian.
“Ne’e iha regras, agora ita husu ba ita nia Partidu Politik sira hotu atu respeita regras nebe maka iha. Labele halo lei ne’e hanesan la vale buat ida, laos halo tia lei mais la kumpri ne’e premeriu. Segundu CNE, Seguransa, STAE tenki hola medidas fo avizu ba sira,” dehan Deptuado Martins.
Nia apela tan katak partidu ne’ebe maka la kumpri ba regras ne’ebe mak iha entaun sei prosesu tuir lei nebe iha no wainhira partidu ne’ebe maka tara simbolu partidu ou spanduk la tuir nia tempu entaun haruka sira ba hasai rasik ou haruka polisi sira ba hasai tamba seidauk nia oras kampanha ka tempu kampanha hotu ona.
“Kuandu medidas la saida ona prontu aplika tuir lei,” haktuir tan Deputado Martins.
