Maske oras ne’e dadauk Governu liu husi Ministeriu Justisa fo ona sertifikadu rai ba rai nain balun iha Distritu balun maibe ida ne’e la’os sertifikadu lolos nian.
“Sertifikadu ida ne’e hanesan rejistu deit bainhira sira mai sukat tiha,sira fo hanesan dokumentus konesementu ba rai ida ne’e ,ema ida ne’e ninian no mos fo tempu ba ema atu kontestu,”hateten Deputadu Domingos Mesquita iha Parlamentu Nasional,semana kotuk (18/01).
Mesquita de¬han,Minis¬teriu Justisa labele fo sertifikadu rai nian ne’ebe lolos tanba lei kona ba rai seidauk iha.
“Bainhira lei ne’e sai mak i Ministeriu Justisa iha kompetensia tomak atu hasai sertifikadu rai nian,”nia hateten.
Entertantu Deputadu Francisco de Araujo katak,horas ne’e dadauk iha distritu balun mak komunidade sira hetan tiha ona sertifikadu husi ministeriu justisa.
“Sertifkadu ida mai husi Portugues,sertifikadu ida mai husi Indonesia ,depois sira ba halo konserva hamutuk katak,ne’e sertifikadu legal tenki entrega ba rai nain,”nia katak.
Araujo dehan,kona ba rai nebe to’o agora seidauk sukat pertense ba komunitariu ,definisaun husi Land Property tenki los.
“Se lae rai sosiedade ,ezemplu ida mak rai iha Fatubesi,rai tomak ida ne’e pertense ba ema hotu-hotu,ida uja para,ida uja para,ida ne’e tenki defini tenki los,”nia fo ezemplu.
Entretantu TDW koko konfirma asuntu ne’e ba iha Ministra Justisa maibe lakonsege tanba Ministra Lucia Lobato la iha fatin.
