“Foin bele detekta estranjeiru nain rua nebe sira buka atu dada fila fali,” hateten Komisaria CNE Sarmento iha Parlamentu Nasional, semana kotuk (19/1).
Nia haktuir tan katak sei difisil atu CNE bele rekolha fali kartaun eleitoral sira ne’e tanba sidadaun estranjeiru sira ne’e fahe malu iha distritu no subdistritu sira ne’ebe la konsege detekta.
Komisaria Sarmentu garante katak CNE oras ne’e daudaun kontinua nafatin buka tuir ba sira seluk nebe kaer hela kartaun eleitoral ilegal.
Entertantu Deputadu Arao Noe informa katak STAE no CNE la dun kontrola ba limiti kartaun eleitoral.
“Se pur ezemplu ema atu trata kartaun eleitoral ne’e mais ou menus tenki dokumentus komprovativu iha para hatudu, konprovatibu mai husi nebe? Tenki husi ministeriu Justisa para hatetene katak ema ne’e sidadania Timor ka lae,” dehan Deptuado Noe.
Tuir Deputado Noe mos kestiona kona ba oinsa la iha dokumentus konprovativu ema mai husi rai liur bele hetan kartaun lalais deit.
Nia sujere ba CNE atu kontrola para bele detekta, para labele mosu ema ho kartaun eleitoral dupla no mos la bele husik ema estranjeiru sira hetan hotu karatu eleitoral.
