Maske Postu Polisia Weberek kondisaun a’at maibe sira nafatin servisu ho buat ne’ebe iha hodi fo seguransa ba komunidade sira husi ema kriminozu sira.
“Ida ne’e situasaun ne’ebe ami hasoru maske kondisaun la diak mas ami nia knar ami tenki servisu ho buat ne’ebe iha labele hein deit kondisaun diak mak ami servisu,” hateten Komandante Jeral Distritu Manufahi, João Da Costa, iha semana (12/010), iha Weberek, Distritu Manufahi.
Tuir Komandante komunidade Weberek mos bo’ot nune duni iha nesesidade atu garante postu polisia iha area ne’ebe ho kondisaun tomak atu fo seguransa ba populasaun.
Tuir Komandante da Costa katak polisia mos presiza fo seguransa ba komunidade sira besik iha sira nia hela fatin atu populasaun bele tur hakmatek no la bele tauk maibe ba ida ne’e polisia tenki uza tempo no uza fasilidades adekuadu maibe sira pronto hein bainhira mak Governu sira halo rehabilitasaun ou konstrusaun postu ba polisia sira iha Weberek.
“Proposta ami hatama ona hein deit bainhira mak realiza buat sira ne’e hotu. Problema hanesan ne’e laos iha Manufahi ne’e deit mak infrenta maibe iha 12 Distritu mos hanesan hotu problema ne’ebe mak ami infrenta iha Distritu Manufahi ne’e,” hateten tan Komandante da Costa.
Iha parte seluk Membru polisi ne’ebe lakohi identifika nia naran hateten katak maske sira nia postu ne’e a’at maibe sira nafatin servisu ho buat ne’ebe mak iha.
“Ami nafatin halao ami nia servisu hodi seguransa ba komunidade sira I iha problema ruma iha komunidade sira nia le’et ami bele halo atusaun lalais ba ami fatin atu oinsa mos servisu deit.”
