“Hau repete dala hira ona, Jerador ne’e monu la os ita nia responsabilidade. Ne’e kompania seguru, Asuransi mak kaer,” hateten SE Pereira, iha semana (12/10), iha Parlamentu Nasional, iha Dili.
Entertantu Ministro Infrastrutura Pedro Lay hateten jerador nebe mak monu laos tan deit estrada maibe korenti mak haksoit halo jerador monu.
“Antes halo ne’e ami halo kordenasaun ho kompania oinsa para bele loke Estrada. Ne’e mak ami loke fatin ne’e loke luhan, depois sira dehan katak bele liu mak foin liu,” hateten Ministro Lay.
Tuir Ministro katak, hafoin akontesementu Jerador ne’e monu nia to’o kedas fatin neba hodi hare maibe la os tan deit Estrada maibe korenti mak haksoit sai.
“Laos tan deit Estrada, tanba estrada luan los maibe iha subida duni oituan. Nebe dala ida tan ne’e responsabilidade sira nian tanba ita hatene katak kuandu Makina ne’e mai tenki to’o iha fatin to’o lakan, ne’e sira nia responsabilidade.”
Ministry Lay mos hateten katak nia hato’o ona ofisialmente ba Kompania nebe kaer projektu ne’e hodi tula fila fai jerador monu no haruka foun fali mai.
“Agora baihira mak mai konserteza ita iha empata oituan tanba Jerador aat ne’e sira tenki lori fila fali para haruka foun fali mai,” hateten Ministru Lay.
