Desde 2007 to’o ohin loron hamutuk graduadus 142.772 mak remata sira nia Kursu Alfabetizasaun ne’ebe promove hosi Diresaun Nasional Ensinu Baziku, Ministerio Educasaun (ME).
Tuir Xefe do Departamento de Alfabetizacao e Ensino a Distancia, Fernanda Gonzaga Rebelo, kursu ne’e halo liu hosi koperasaun ho Governo Cuba hahu hosi I Governo Kontiuisional maske koperasaun bilateral hahu iha 2007.
Xefe Rebelo haktuir katak distritus tolu mak deklara ona livre hosi analfabetismu: Subdistritu Atauro, Oe-cusse no Latuen.
“Ami deklara tiha ona Atauro ho total 2005 estudantes, Oe-cusse 19.179 konkluindo ne’ebe mak graduadu ona, Manufahi no Lospalos hamutuk 25.340. Agora daudaun ita hein fali iha Novembro tuir mai ne’e parese Distritu rua atu deklara tan Distritu Covalima ho Aileu,” hateten Xefe Gonjaga, iha SKB Vila-verde, ME, semana kotuk (11/10).
Tuir nia etada, estudantes hotu hahu tuir Kurus Alfabetizasaun, wainnhira graduadu on abele tuir fali program ALFANOMOR durante fulan neen tuir mai wainhira ramata tuir fali kursu ekivalensia.
Professores programa Ekivalencia Paulina da Costa hateten material nia hanorin mak Matematika, Lingua, Estudo do Meio no Artes, hosi Segunda-Feira to’o Sexta-Feira oras tolun lor-loron.
“Kada material iha unidade sia. Matematika mos iha sia, lingua mos iha sia no Estudo do Meio mos iha sia. Hau hanorin uluk iha sala laran hamutuk 19 pessoas mas sira sai, balun ba tiha faze 2 depois mak sae balun ba tan faze 3 depois balun sai agora hela 11 estudantes no sira atu remata sira nia kursu iha tinan ida ne’e mas orsida sira nia avaliasaun final ne’e sei hamutuk ho estudante formal sira,” katak Professora da Costa.
Entretanto tuir estudante Brigida Cardoso nia senti kontenti tebes ho kursu ida ne’e no planu ba iha futuru hakarak kontinua nia estudu.
“Hau senti kontenti tebes bainhira ami eskola iha ne’e bainhira ami remata ami nia estudu ho SD depois ami hetan sertifikadu I aprende buat barak tan no buat ne’ebe ami la hatene ami aprende liu tan,” tuir nia.
Kursu ne’e iha faze 3 mak hanesan, I faze mak klase 1 no 2, II faze mak klase 3 no 4, no faze III mak klase 5 no 6 no kursu ne’e mos hanesan iha primaria, pre-secundaria no secundaria.
