Iha semana kotuk (6/10) halao nia misa Aniversariu Mate ba Amu Renato ba dala walu iha Subdistritu Atsabe.
Iha loron Aniversariu Amu Estefanio Renato nian ba dala walu ne’e sarani sira Subdistritu Atsabe sente orgoliu tebes ba Amo Bispo Don Ricardo nia prezensa tanba bele halibur hamutuk ho sarani sira ba Misa Aniversariu ne’e.
“Objetivu Amo Bispo mai iha ne’e mak atu halo misa loron Aniverariu Padre Estefanio nia mate,” hateten Manuel Lobato nudar Admistrasaun Parokial iha Igreja Atsabe.
Lobato esplika katak, Padre Estefanio ema Italiano mai halao nia misaun iha Timor-Leste iha tinan 2002. “Depois ita Timor hetan nia independensia nia hili halao nia misaun iha Timor.”
Nia hatutan tan katak, objetivu Amo Bispo nia marka prejensa mak, konaba loron Aniversariu Padre Estefanio nian no mos parte seluk Amo Bispo Ricardo enkontru hamutuk ho sarani sira iha distritu Atsabe oinsa bele kapela Atsabe bele hamosu hanesan Paroquia ba futuro oin mai.
Entertantu Adriana Frenandes sublina katak, nia sente kontete ba prejensa Amo Bispo Ricardo nian bele misa hamutuk ho komunidade no sarani sira tomak iha Subdistritu Atsabe, konaba mate Padre Estefanio no mos oinsa kapela Atsabe bele sai Paroquia iha future.
“Ami sidauk hatene konaba Igreja ne’e nian atu hamosu Paroquia maibe Amo Bispo Don Ricardo sei enkontru ho komunidade no sari sira iha subdistritu Atsabe laran,” Adiana dehan.
Enkuantu Amo Bispo Dili Don Alberto Ricardo hato’o parabens ba sarani sira nebe mak komemora loron misa Aniversariu ba Amo Padre Estefanio nia mate.
“Hau husu ba Timor oan hotu –hotu hadomi ita nia rai hateten Amo Bispo Don Alberto Ricardo ba sarani sira, iha Igreja foun Atsabe.
Iha misa ne’e ne’e, Amo Bispo Don Alberto hato’o nia mensajen ba sarani sira no hamutuk ho Amu lulik hametin fiar, kria pas no Unidade iha rai laran.
