Deputadu bankada Fretilin Inacio Moreira hateten makina ho marka warsila ne’ebe mak mai tiha ona portu provizoriu Behau ne’e la’os uza olio pezadu maibe uza gazoel.
“Agora dadauk jeradores sira nebe mak to’o tiha ona iha semana kotuk ne’e ,nia uja Gajolio “ dehan Deputadu Inacio Moreira,semana kotuk iha plenaria parlamentu.
Tanba ne’e tuir nia,Governu no deputadu AMP sira laiha razaun atu koalia nafatin sentral eletriku olio pezadu Hera.
“Iha neba ne’e laos olio pejadu ,iha neba ne’e sentral eletriku foun nebe mak kostruihanesan deit iha sentral eletriku komoro ita muda ba iha Hera tau estalasaun foun “
Hafoin fiskalijasaun komisaun G nian iha fabrika Finlandia fulan kotu Jerador hitu ho kapasidade 120 MW ninia produsaun uja duni Disel ,laos uja Olio pejadu.
“Iha momentu neba ami hare koko duni ho dijel ,tanba Disel nemak lori mai “Inacio informa.
Iha fatin hanesan deputadu bankada PD Adriano do Nascimento iha ninia intervensaun katak , jerador ne’e laos la uja Olio pejadu maibe kondisaun mak la premiti .
“Mais nu fin ami la uzkarik ,ami agradese ba ita bot maibe ami AMP iha planu atu uza,tanba jerador ne’e ita husu atu uza duni olio pezadu,”Adriano dehan.
Adriano esplika, vizita komisaun G iha fabrika ne’e katak ,iha momentu ne’eba jerador sira ne’e uza mos olio pezadu.
Alende ne’e tuir Prezidenti Komisaun G Parlamentar, Pedro da Costa katak, jerador ne’e mais modernu bele adapta ba gazoel ,bele adapta ba gas no bele mos adapta ba olio pezadu.
“Tanba sa mak fofoun ne’e ita labele uja Olio pejadu ne’e tanba sentral eletriku sidauk hotu kondisoens balun nebe ita persija hatama olio pejadu atu introdus ba tanki sira sidauk hotu” Pedro dehan.
Tuir nia,iha ona planu ba futuru sei hari kanalizador olio pezadu nian ba makina. “Ne’ebe agora dadauk ne’e ita sidauk bele hari maibe iha fulan tolu hat tan sei hari,” nia katak.
Pedro hatutan, wainhira harii tiha sistema uza olio pezadu ne’e bele uza deit olio pezadu ona tanba baratu liu .
Entertantu bainhira jornalista koko konfirma asuntu ne’e ba iha Sekretariu Estadu Eletrisidade Agua e Urbanizasaun maibe la konsege tanba la iha fatin.
