Iha inisiu tinan foun to’o agora, Klinika Bairo-Pite (KBP)konsege rejistu labarik ho moras varisela (cacar air) hamutuk 500 hahu ho idade 2 to’o tinan 15.
“Moras ne’e la’os perigozu ba ema e ami bele fo aimoruk atu kura,”informa Diretor Klinika Bairo-Pite doutor Daniel Murphy, semana kotuk iha Bairo-Pite, Dili.
Tuir nia, agora komunidade sira liu-liu inan-aman komesa iha ona konsiensia atu lori sira nia oan ba fasilidade saude bainhira sira moras atu hetan tratamnetu maximu.
Nia hatutan, atu moras varisela labele kona, tenke halo vasina maibe iha Timor seidauk iha vasina kona-ba moras ne’e e moras ne’e la afeita ba ema bo’ot.
Moras varisela bainhira kona labarik iha sinal hanesan mosu borbullu ki’ik iha labarik nia isin no bainihra mosu sinal ida ne’e inan-aman tene lori sira nia oan ba lalais iha sentru saude ne’ebe besik hodi hetan tratamentu.
“Moras ne’e bele da’et lalais ba ema,tanba ne’e kuandu ema nebe hetan ona moras ne’e labele besik ba ema ne’ebe la hetan moras ne’e, selae bele daet lalais,”Daniel husu.
Entretantu Responsavel ba sala Maternidade KBP, Fransisca Cardozo hateten moras varicela la rezulta ema mate maibe so bele fo tratamentu deit,liu-liu kona ba labarik ki’ik sira maibe la perigu ba labarik sira nia vida.
“Ha’u senti ba moras nee la perigu ba labarik sira tamba so ita fo aimoruk para kura,I idanee ami la hare ema mate maibe moras nee dala barak kona deit ba labarik sira,I ita bele kura liu husi aimoruk atu nune sira hemu tuir doutor sira haruka para sira bele diak fali,”nia dehan.
