Rai-rahun loro-manas ka udan been, laos problema ba labarik mane oan sira ho minoridade nebe loro- loron halao hela atividade iha dalan ninin sira ne’e tanba osan ne’ebe sira hetan bele ajuda inan-aman.
Hanesan realidade nebe akontese ba labarik ida ho naran inisial DN, hosi Oe-cusse in 1992; nia oan mane sigundo husi maun alin na’in haat, feto rua mane rua.
Tanba deit inan–aman ladun iha kapasidade ekonomia, DN ho minoridade ne’e nia tenki simu realidade ne’ebe sirkunsansias fo ba nia hodi tenki ser hili atividade fa’an mantolun da’an lao haleo kapital Dili.
“Maske hau idade sei kiik maibe hau tenke halo servisu ida ne’e tanba iha ami nia rai Oe-cusse ami susar tebes aihan, entaun hau mai iha Dili para halo atividade hanesan fa’an mantolun atu nune’e hetan netik osan ruma hodi ajuda hola hahan ruma atu haruka netik ba inan-aman sira tanba hau nia inan-aman la servisu no balun hola hau nia persiza loro-loron,” konta labarik DN, iha Jardin Colmera, iha Dili semana kotuk.
ND husik hela nia inan aman tinan ida ona atu mai Dili. Nia mos husik hela eskola Primaria Klase I tanba ekonomia familia fraku.
“Hau eskola deit SD Klase I deit hau para tiha tanba hau nia inan-aman sira susar tebes atu hetan osan hodi hola kadernu no farda eskola nia ho ida ne’e mak hau para eskola” nia hateten.
Oras ne’e dadaun nia hela ho nia maun bo’ot iha Bebonuk, Dili, maibe nia mos iha hanoin ida atu buka rasik osa entaun nia fa’an mantolun da’an.
“Hau hahu fa’an mantolun iha 2010. Mantolun nebe fa’an ne’e bizinus sira nia depois mak to’o fulan ida mak selu hau 40 Dollar tanba hau fa’an mantolun da’an rak ida iha loron to’o loraik hotu hau hetan osan 7 dollar depois loraik fila ba uma hau entrega oan ba ema ne’e to’o fulan mak hau simu.”
Loro- loron nia hahu fa’an mantolun da’an husi tuku 8.00 dader to’o tuku 5.00 loraik, area nebe nia fa’an mak iha Delta, Fomentu, Aitarak Laran ho Colmera tanba iha fatin sira ne’e nia bele hetan osan.
Maske Dame ho idade minoridade maibe nia toman ona ho nia servisu, “hau la senti kolen ba atividade ida ne’e tanba fula fulan ema selu hau 40 dollar tanba ne’e mak hau hela iha Bebonuk ba fa’an iha fatin do’ok mos lasenti kolen tanba toman ona. Hau lao do’ok mos meiudia la fila ba uma han, hola dosi sira ne’e han deit, depois loraik mak fila ba uma han tanba hela do’ok,” haktuir nia difikuldade labarik DN.
