Relasiona ho airin lampu tranzitu nian ida iha edifisiu Ministeriu Publiku (MP) nia oin lakon, Diresaun Nasionál Transporte e Terestres (DNTT) husu ba kompania Montana Diak atu responsabiliza.
“Kompania Montana Diak tenke responsabiliza ba airin ne’ebé lakon ne’e tanba iha fulan kotuk sira mak halo rehabilitasaun estrada no hadia dreinajen iha ne’eba e halo fiu konslet aat hotu a agora airin lampu tranzitu nia lakon tan,” hateten Staf Senior Trafic Light DNTT, Joao Eugenio C.da Silva semana kotuk iha Balide,Dili.
Kona-ba kestaun ne’e nia parte seidauk hato’o ba iha Diretor DNTT nian maibe nia sei haruka karta ida ba nia Xefé nune’e bele husu responsabilidade ba kompania Montana Diak.
Entretantu tuir Xefé Kompania Montana Diak, Laifu Sen,katak kona-ba airin lampu ne’ebé lakon la’os sira nia responsabilidade.
“Ida ne’e la’os ami nia responsabilida, ne’e responsabilidade Obras Publiku nian,” hateten Laifu Sen.
Tuir nia, Montana Diak halo de’it rehabilitasaun ba estrada no halo dreinajen maibe la’os sira mak halakon airin lampu tranzitu nian.
