Membru Parlamentu Nasional, Deputada Albina Marcal, husu ba governu liu husi Ministeriu Obras Publiku Transporte e Komunikasaun (MOPTK), atu alista tiha estrada Tutuala iha lista projetu prioridade, nune’e bele hadia iha tinan ida ne’e.
Nia hateten, estrada Tutuala importante atu hadia tanba Tutuala sai hanesan fatin turistika ne’ebe bele atrai ema estrangeirus mai visita Timor-Leste.
“Hanesan estrada kairolu ne’ebe nia kondisaun rave tebes, entaun presiza tama iha alista projetu prioridade,” Deputada Marcal sujere, iha Parlamentu Nasional.
Nia hateten, iha tinan 2013-2015 governu iha projetu hadia estrada husi Mehara to’o iha Tutuala, maibe konstrusaun estrada foin to’o deit iha Malahara.
“Ate agora konstrusaun estrada ne’e seiduak to’o iha Tutuala, para deit iha Malahara,” nia kestiona.
Hatan ba kestau ne’e Ministru Obras Publiku Transporte e Komunikasaun (MOPTK), Gasto de Sousa, rekonese kestaun ne’e no iha tinan ida ne’e governu ihaona planu atu hadia estrada Tutuala.
“Tinan ida ne’e ami sei hadia, tanba atu apoiu setor turismu,” Ministru Sousa hateten.
