Membru Parlamentu Nasional preokupa ho konstrusaun ponte Taroman, distritu Covalima ne’ebe halo iha tinan rua liu ba, maibe to’o agora seidauk hatudu progresu ne’ebe signifikativu.
Membru Komisaun E (infra-estrutura, transporte e komunikasaun), Deputada Anastasia da Costa Amaral, hateten kustu ba projetu ne’e bo’ot, maibe projetu la la’o.
“Ami la hatene nia persentajen ne’e to’o hira tiha ona, to’o ona iha ne’ebe, kompania ne’e nia servisu hanesan halimar fali,” Deputada Amaral preokupa, iha Parlamentu Nasional.
Nia dehan, ponte ne’e importante tebes ba komunidade distritu Suai sira, tanba agora dadaun wainhira povu sira halo viajen sei uja hela dalan alternative.
Hatan ba preokupasaun ne’e Ministru Obras Publiku (MOP), Gastao de Sousa, hateten projetu ne’e la’o hela tanba iha kooperasaun servisu ne’ebe diak entre minsteriu ho kompania ne’ebe kaer obra ne’e.
“Projetu ne’e la’o hela, agora atinji ona 62%,” Ministru Sousa hateten.
