Komisaun Uniaun Europeia apoia 20,500 euro ba governu Timor-Leste liu husi Ministeriu Negosiu Estranjeiru, ho intensaun atu halo rehabilitasaun no manutensaun ba estrada iha area rural.
Diretor ASEAN Uniaun Europeia Aid, Dirk Meganck hateten, orsamentu 20. 500 euro ne’e oferese ba ba governu atu bele aloka ba rehabilitasaun estrada iha area rurais sira.
“Osan hirak ne’e atu halo estrada iha distritu Ermera, Liquisa no distritu Covalima,” Diretor Dirk Meganck dehan, iha Dili.
Tuir nia, estrada nudar fator importante ida, atu komunidades iha area rural mos bele asesu ba estradas ne’ebe mak diak.
“Bele asesu mos ba merkadu ria,” Diretor Meganck katak.
Iha fatin hanesan Vise Ministru Negosiu Estrangeiru (VMNE), Constancio da Conceicao Pinto hateten, osan hirak ne’e uja deit atu hadia estrada no manutensaun Estrada.
“La’os atu loke fali estrada foun, so para hadia deit, atu nune’e bele fasilita ita nia populasaun local bele transporta sira nia produtu sira ba iha merkadu,” Vise Ministru Pinto hateten.
Alem de ne’e nia dehan, hadia estradas, nune’e bele fasilita turista sira ne’ebe maka hakarak ba iha distritu hirak ne’e,” Vise Pinto katak.
“Projetu ne’e sei hala’o iha tinan oin mai, prinsipalmente iha fulan Marsu ou Maiu liu husi tenderizaun internasional,” Vise Pinto dehan.
Iha lidun seluk Deputada Albina Freitas Marcal, sente kontente tanba nasaun parserial bele fo sira nia kontribuisaun, hodi dezemvolve nasaun ida ne’e ba oin.
“Agradese, tanba bele fo sira nia kontibuisaun ba ita nia rain,” Deputada Marcal agradese.
