Tuir fiskalizasaun husi Komisaun D Parlamentar nian iha Suku Bahalara-Uai, Distritu Viqueque deskobre katak komunidade sira sunu motuk hotu aiteka estadu nian iha suku ne’eba.
Deputada Josefa Alvares Soares hateten, lolos komunidade sira kuidadu aiteka ne’e duke sunu motuk.
“Teka ne’e agora la aproveita, populasaun sunu mos tiha kedas, agora sunu tiha lori tempu hira mak teka ne’e moris no bo’ot fali,” preokupa Deputada Josea Alvares Soares, foin lalais, iha Parlamentu Nasional.
Tuir nia, ida ne’e problema bo’ot ida no presiza ema hotu nia kontribuisaun ba dezenvolvementu nasaun ida ne’e nian.
Entretantu tui Deputadu Cesar Valente de Jesus katak, ida ne’e akontese tanba servisu Guarda Florestal nian mak seidauk masimu.
“Sira nia patrulhamentu iha deit tasi tolu hein ema lori aimaran tama mai, maibe lolos sira tenke halo patrulhamentu iha area rurais hanesan iha suku Bahalara-Uai, nune’e komunidade labele sunu no tesi aiteka tuir sira nia vontade,” tenik Deputadu de Jesus.
Nia dehan, guarda florestal la’os hein deit iha capital, maibe tenke hein kedas iha ai hun para ema labele tesi no sunu.
“Hau hanoin ida ne’e ami sei husu ba Ministeriu Agrikultura atu hare kestaun ne’e,” katak Deputadu ne’e.
