Prosesu Ministeriu Justisa atu harii Sentru Investigasaun Kriminal Justisa agora dadaun iha ona faze tenderizasaun ba obra ne’e. 
Vise Ministru Justisa, Ivo Jorge Valente hateten, fatin atu harii Sentru Investigasaun Kriminal Justisa (SIKJ) ministeriu identifika ona, iha eis edifisiu World Vision nian.
“Agora dadaun tama ona faze tenderizasaun ne’ebe halo hela iha Ajensia Dezemvolvementu Nasional,” hateten Vise Ministru Justisa, Ivo Jorge Valente, (04/04), iha Colmera, Dili.
Nia hatutan, wainhira instalasaun ne’e remata ministeriu sei determina Polisia Investigasaun Kriminal ou Servisu Investigasaun Kriminal maka hela iha instalasaun refere.
“Futuramente atu ba servisu iha ne’eba se’e- se’e depois maka ita determina sei iha desizaun,” dehan Vise Ministru Valente.
Entretantu Deputadu Mateus de Jesus hateten, ne’e programa ne’ebe diak no nesesidade duni atu halo sentru ne’e.
“Tau tan dirasaun ida ou departementu ida ba parte investigasaun nian atu reforsa tan prosesu sira hotu ne’ebe maka eziste hela iha timor laran,” dehan Deputadu Mateus de Jesus.
Deputadu ne’e mos atu fo esplikasaun klaru antes harii SIKJ ne’e, nune’e ikus mail abele mosu desintendementu.
“Hau hare dirasaun investigasaun ne’e barak teb-tebes tiha ona hanesan KAK ne’e mos parte investigasaun ninian, PDHJ, polisia mos ita bele dehan ne’e fas parte investigasaun ninian,” tenik Deputadu de Jesus.
