Sekretariu Estadu Agua e Saneamentu no Urbanizasaun (SEASU), Elias Pereira Moniz hateten, husi orsamentu ne’e sei uza hodi kanaliza bee moos iha area rurais iha 13 distritus, nune’e komunidade sira bele asesu ba bee moos.
“Orsamentu ne’e hare liu ba bee moos ba area rurais sira,” dehan Sekretariu Estadu Elias Pereira Moniz, foin lalais, iha Kaikoli, Dili.
Nia hatutan, governu Australia mos promote katak sei aumenta orsamentu bainhira iha jestaun ne’ebe diak no fo duni benefisiu ba komunidade sira.
“Ba oin ita hare nia perkembangan se uza tiha hotu karik, aumenta tan,” tenik SE Moniz.
Iha lidun seluk Deputadu Mateus de Jesus hateten, durante ne’e nasaun barak maka ajuda Timor- Leste inklui governu Australia, ne’e orguilu bo’ot ida.
“Australia ajuda ona buat barak, husi japaun mos ajuda bee moos iha fatin barak iha timor, e Australia sei kontinua nafatin fo nia ajudus ne’e tanba sira nia domin bo’ot tebes ba iha rai timor ida ne’e,” dehan Deputadu de Jesus.
